O Clúster de Turismo de Galicia invita ós establecementos asociados de Galicia Destino Familiar a asistir ó solemne acto de entrega de certificados da marca, no que se lles fará entrega ós asociados da súa acreditación de adhesión á iniciativa, como fiel garantía da súa calidade e adecuación ás familias.

No evento contaremos coa presenza de Dona Nava Castro, Directora de Turismo de Galicia, quen será a encargada de facer entrega dos certificados ós invitados.

Finalmente, cerrarase a xornada cun café no que os participantes poderemos desfrutar dun agradable encontro, compartindo as nosas experiencias e impresións.

O acto celebrarase o venres 1 de decembro ás 11:00h na Sala Eisenman da Cidade da Cultura en Santiago de Compostela.

Contamos coa súa presenza!