Leira O Bizarro nace do soño de conservar e mellorar o patrimonio recibido dos nosos maiores e ao mesmo tempo ofrecer este belo recuncho de Galicia a aquelas persoas que estean a buscar un lugar singular desde onde gozar do seu tempo libre.

Situado nun lugar estratéxico para coñecer tanto a comarca da Mariña Lucense como o occidente de Asturias. Ven a gozar da nosa gastronomía, das nosas paisaxes (Praia das Catedrais, as nosas Fragas, as nosas praias e cantiis), da nosa historia (Basílica de San Maritiño, Mondoñedo, Ribadeo, Viveiro), das nosas festas e da súa xente.