Un ano máis, a participación de Galicia na mundialmente coñecida feira FITUR foi todo un éxito. Máis de 350 citas nas que os profesionais do sector intercambiaron as súas impresións e ideas, en aras de fomentar o turismo na nosa comunidade autónoma.

Non podemos deixar de destacar a posta en escena protagonizada polo Clúster de Turismo de Galicia, na que se presentaron as Novas Iniciativas para a comercialización do turismo en Galicia, na que os asistentes puideron constatar o duro traballo que estase realizando para a mellora da oferta turística galega. Iniciativas que pretenden situar Galicia nun destino de elección para perfiles turísticos, entre os que non podía faltar Galicia Destino Familiar e o seu afán por converter a nosa comunidade no destino perfecto para un público tan selecto como son as familias.

E como colofón final, Galicia recibiu en FITUR dous dos prestixiosos premios que outorga esta cita. En concreto, a comunidade alzouse co galardón ó Mellor Stand na categoría de institucións e comunidades autónomas e ó Mellor Produto de Turismo Activo polas súas Experiencias nos Parques Naturais, dos que tanto podemos presumir nesta terra.

En definitiva, un aplauso polo Clúster e a súa fantástica participación no evento. Vémonos en FITUR 2019!